eger rokê nebînim, dîlana herdû çava

Dilkê reben xemgîn e, li hêviya silava

Cîhan li min tarî ye, hêvî ketin nav dava

Ma ne bes e ji te kîn, Xwedêyo malî ava

Bila cîhan bi carek, li serê min bibe yek

Bên hawar û gaziya wa, leşkerên çerxa felek

Îzraîl li pêşiya wa, bibe şah û sermelek

Ezê bêjim herbijî, du çavên mest û belek

Va ye qumrî dixwînin, li bin siya ala te

Sitêr dîsa dirêsin, li dor bejn û bala te

Evîndarên Roja Nû , dil ketine xala te

Sed pîroz be li zozan, agirê sersala te