Yara neyar

Ey periya ko

di xewnên min de

ji xewnan mezintir e...

Ey weþên evîna di jena dil de,

çendî,

min ji te hez dikir, bedew yarê!?

Hezkirina serokên rojhilat

bo girtîxaneyan...

Ey înana çerxa bîstan

di wêneyên xwe de.

Ey kenê þîrmijekî di hembêza dayikê de

çendî,

Ez li ser te ditirsiyam!?

Tirsa diktatorekî ji belavbûna

azad ramanan,

ji zayîna peyvan di nav lêvan de.

Ew dilyar bû,

çima me dil zîvar kir

Peyv pûç kirin.

Me yar kir neyar. Çima?

Ey kûrahiya lavijên pîroz, di sîngê de!

Ey derbasbûna dînîtiyê, di himbêzkirinê de!

Ey kêlîka di navbera hiþyarî û sermestiyê de!

Tu bûyî zelalbûna rondikan; di çavan de.

çendî

Zor e, bedew yarê!?

Çav bibin kulekeke cam

Rondik bibin ‘modêrinek’

ji evîna van deman,

Ji kûrbûna þînên di çavan de.

Ew dilzar bû

Çima me jiyan lê sar kir

Þîn kir miradê wî

Me ew bê per û bask kir

Çima?

Tu bûyî diyariya yezdan, di temen de

û biþkoja þahiya kulîlkan

wa tenikbûne

Dilyar e ji periyekê hez dikir

Wa periya di xewnên min de

Mixabin!

Tu ji min re bûyî girtîxane

û ji kuþtina beþûþiya li ser lêvan re..

Ew xembar bû,

Çima me xewna wî ya bi tenayiyê xaç kir

Sêdarkirin hêviyên wî

Di buhara wî de, me ew pîr û kal kir, çima?

Tu bûyî xwedaya dîlberan

Ew bûn... Em bûn... Ez bûm

dilekî agirpij û dildar...

Te OLEN xwe serjêkirî hiþtin

Tu bûyî kujyara xewnên

di malzaroka hêviyan de.

Tu bûyî pêkanên Wêrdekyanê

Min û xwe bê zindan

weke têlên dirihî

Li dor hustiyê min

Bawer be bedew yarê

Yezdanê ne dilovan be

Ehrîman e.

Bawer be, ew dîlbera neparêze

peymanên xwe, dibe keça þevan

Bawer be, ne bawer be

Bedew neyarê!

Te ev dem nekir dema min

Ev dem ne dema min e; bi carekê re.

Demsalên min hatin; bêbuhar

Nêvî av im, nêvî agir im...

Yara min bûye neyar.

2.6.1995