Stranên kar û leystikan
Bilûrvan ji devê Nêrgiz û Hezarê girtine
Werhakê WerhakêKeçikên piçûk bi gokê dileyizin, gokê diteptipênin û vê distrênin:
Werhakê Werhakê, kûlîlka du takê, berbejna xil û xakê.
Xilxilo bilbilo, hewarkir Mûsilo.
Mûsil derbo derbo, hemû çala werbû.
Çalê mîr belek in, avêtin zûrek in.
Zûrekê me bi qamûş e, siwara fîşe fîşe, navê birakê min Şawîş e.
Sawîşkî piçûk e, me jê re anî bûke.
Bûka Evdil begê, sêva ser kulekê.
Sêvê dihildimo, gulê behndikimo.
Gul gula hedad e, deriyê me li xwe bada.
Pezê birakê min e, nav mêrga mezin e.
Didoşim nadoşim,milê min naqurume.
LeglegêLeglegê hacî begê.
Ne hacî ye ne bacî ye.
Kul bikeve her dû çiya.
Yek nemêhe ji (…)* ya.
* li vir navê neyarekî tê gotin.
HêhayêEv stran bi dankutanê re tê gotin:
Hêhayê, hime û hayê.
Dan kutayê.
Heçî nayê bigre tayê.
Ta xirab be,jê nerabe.
Danê keyê?
Yê melê ye.
Mela ji kû tê?
Ji kavlê gû tê.
Gotinên qirdikê sersalê-Serê salê binê salê, xwedê kurkî bidê kebaniya malê.
-Kebaniyê deszêrînê, destê xwe bavêje kulînê, behra qirdik jê hêlînê.
Bûka baranêDema ko baran neyê zarok bûka baranê çêdikin,li nav gund digerênin û dibêjin:
Bûka me baran divê.
Eerdê me geya divê
Sofiyê me zika divê.
Û me ji xwedê baran divê.
Gundî jî dirabin avê bi zarokan de dikin.
Rovî rovîRovî rovî rovî rindik.
Serê tiriya rovî bi kincik.
Rovî çûye mala xala.
Lêkirin barek hişke dare.
Bihijmêrin heke ne bîst û çar e.
Rabne rovî bi qute dara.
Yek didoYek dido
behwer sisê
çeqla fisê
Hemko dîno
şaşik şîno
kum hêlîno
çav beleqo
simêl boqo
Stêr 8/1987
Ji ber ko kovara Stêr bi nehînî derdiket min navê Bilûrvan bikartanî û navê Nêrgiz li Ebrîzet kir û Hezar li diya xwe kir