Ez dîn im dîn!

Taha Xelîl

"Ez dîn im dîn!" Min kulîlka te

bi dû xwe de ji bîr kir Kulîlka ku tu tanî bîra min...

û birînên di tenişta çiyan de tanîn bîra min...

Hevalekji bejna êvarê diket kulîlkjê diherikîn

li ser berfê dibûn gol!

"Ez dîn im dîn!"

Tu çi dixwazî ji toza serê min

Cil û bergên xwe bi rûpelekê didim

Jiyana xwe bi pênûsekê didim

Rût û tazî ji te re dibêjim:

Eger vê carê tu xuya nekî

Ez dê rûnêm... Wek kevirekî li bin darekê û

 herdû çavên xwe birijînim!

"Ez dîn im dîn!"

Bi sirûdan haş nabim

Nejî bi birûskên şevê Axa jiyanê

çavê min têr nake!

Keçê ez dîn im dîn

Lê, berfa laşê te

di bîra min de ye

Berfa ku tiliyên min diweşandin çawan ez dê ji bîr bikim

Ma ne şilêrên ku li pey te diman hişk nabin lê lê!

Çawan tu dikarî xew bikî?

Ma ne dema ku tu zemîneke teng î ez dibim lihêfa te

Darek hezar salî me

Min rehên xwe berdane nava te

Xelasiya me ji hevûdû tune ye lêêêê!

"Ez dîn im dîn!"

De bila hemî tiştên min bimirin

Ku carekê tu hatî

Li kolanê ez û dergeh

Em dê bên pêşwaziya te Pencere jî dê xwe çem ke himbêza te

Helbestên bi dîwêr ve dê bibin ristika gerdena te

Ji xwe, tirs, gazin, av, nan, xuya malê pirtûkên bêzar,

Navên li serdîwêrçarçewekirî ên Xwedê û pêximber

Serê hişkirî yê Xezalê

Hemî... Hemî

wek rêzek leşker

Dêji te re silavê amade bikin

Dê li ber destên te herin û bên lê!

 "Ez dîn im dîn!"

Te serê min xwarê

Ez dê çi bikim ji gulên te

Ma ne ewjî wekî çavên min diçelmisin

Ez dê çi bikimji gulên ter

Ma ne her û her

Ez zuha û hişk im lêê! Destên min ji te nabin ma gelo bi min re ne yan bi te re ne

û çavên min çavê Yaqûb in

Tujî Yûsiv îji bîrê dernaçî Lêlê

Yaqûbim Yaqûbê kor û dîn im lê!

Bern 10/10/1993